دنيا غريبة

دنيا دنيا دنيا

دنيا غريبة والنبى
دنيا دنيا دنيا
دنيا عجيبة والنبى
اه يا قلبى ياما انت غريب
وفى الطيب مالكش نصيب
دنيا بتاخد بكرة تجيب
وتروق لينا والنبى
يرجع تانى غريب الدار
ليل القسوة يبانله نهار
مشوار الدنيا الدوار
يضحك لينا والنبى
مهما يا دنيا تلعبى بينا
دى العشرة متهنش علينا
شوف شوف شوف
قمر الحب يا شاغل الناس
امر الهوى ع العين والراس
يبكى ناس ويفرح ناس
محدش خالى والنبى
طول ما قلوبنا فيها سماح
ننسى عذاب وألم وجراح
ده مسير العاشق يرتاح
طول ليالينا والنبى
مهما يا دنيا تلعبى بينا
دى العشرة متهنش علينا
شوف شوف شوف
دنيا دنيا دنيا
دنيا عجيبة والنبى
دنيا دنيا دنيا
دنيا غريبة والنبى

غناء: لبلبة - من تسجيلات الاذاعة المصرية عام 1979

هيلا هيلا / نسهر سهرة جميلة الليلة

هيلا هيلا هيلا هوب نسهر سهرة جميلة الليلة

هيلا هيلا هيلا هوب تعالوا معايا

هايسلطنكم والله غنايا

والاحزان نرميها ورانا والافراح تسهر ويانا

هيلا هيلا هيلا هوب انسوا امبارح

انسوا القلب القاسى الجارح

صحبة وسهرة وضمة جميلة

عشرة وهى العشرة قليلة

هيلا هيلا هيلا هوب يا عينى يا ليل

واحلوت بيكم مواويلى

ليلة تساوى العمر بحاله

واللى خاصمنا مالنا وماله

غناء: سميرة سعيد - البوم "اخر هوى" عام 1978

انتظار

من القمر يسافر الشعاع

من الشجر يسافر الورق

من الوتر يسافر النغم

بيسافر الصمت من الحجر

بيسافر الشعاع و الورق

والنغم و الصمت

وانا هنا وحدى انتظر

من العيون بتسافر الدموع

من الجنون بتسافر القلوب

من الذنوب بتسافر الالام

بيسافر السهاد من الجفون

بتسافر الدموع والقلوب والالام والسهاد

وانا هنا وحدى انتظر

من الوجوه بتسافر الحياه

من الوعود بتسافر الامال

من الحدود بتسافر الاحلام

بتسافر الضياع من الجمود

بسافرالحياه و الامال والاحلام والضياع

وانا هنا وحدى انتظر

من البحور بتسافر المراكب

من الشهور بتسافر السنين

من الزهور بيسافر الربيع

بتسافر الجراح مع الطيور

بتسافر المراكب و السنين والربيع والجراح

وانا هنا وحدى انتظر

من الالم بيسافر العذاب

من العدم بيسافرالوجود

من الندم بتسافرالتوبه

بتسافر الامثال من الحكم

بيسافر العذاب والوجوه والتوبه والامثال

وانا هنا وحدى انتظر

غناء: سميرة سعيد - البوم "مساء الجمال" 1979

عزيزة ويونس

ياغريب على ابواب تونس

يا عزيزة اميرة يا يونس

احيكلنا عن هواك وحكايتك ايه معاها

احكيلنا يا يونس

خيال جاي من بنى هلال

بتغريدتى الملالية

مشينا ليالى طوال

من تونس والجمال

ام الخضرة والمايه

وحكولي ع السفيرة

ع الحلوه ام الضفيرة

قولت اشوفها بعنيا

ياعزيزه يا سفيره تونس

يا واقعة فى غرام يونس

احكيبنا عن هواه وعن تعبك معاه

احكي ياعزيزة

مرسال

حكى عنه ياعينى وقال

وعن الطلعه البهية

فارس جاى من بعيد

فى عينيه غربة وتنهيد وتغريبة وسفرية

ماهموش محال عامل نفسه دلال

علشان يوصلوا يوم ليا

ياغريب على ابواب تونس

يا عزيزة اميرة يا يونس

احيكلنا عن هواك وحكايتك ايه معاها

احكيلنا يا يونس

دلال عملت انا دلال

جايب عقد فى ايديا

العقد سبع ادوار

وفضلت بيه دوار

ادور على الصبية

وجابتنى السفيرة

وقعنا فى احلى حيرة

قصتنا يا ناس مروية

ياعزيزة يا سفيرة تونس

يا واقعة فى غرام يونس

احكينا هواها وعن تعبك معاها

احكي ياعزيزه احكي ياعزيزه

قتال الشوق ياناس قتال

وناره يا ناس قوية

لقيت قلبى ميال

وبقيت فى احلى حال

والحب بين رموشه

مع انى من قبيلة

وهو من قبيلة

الحب مين يحوشه

غناء: سميرة سعيد ومحمد ثروت - البوم "بقى اسمه كلام / سميرة" 1978

ما على العاشق ملام / الاسمرانى

ما على العاشق ملام

كل من نامت عيونه يحسب العاشق ينام

والله انا عاشق ودايب ما على العاشق ملام

الأسمراني بالعيون صابني ورماني

الأسمراني بالكلام يا ناس غواني

والكلام ميلنى يابا قولتله ما تقولي تاني

ما على العاشق ملام

مين يا ناس في العشق خالي

مين يا ناس

مين متعبتهوش الليالي

مين يا ناس

ياللي ما دقتوش تعب يوم اللي دقته

ياللي ما شوفتوش غير اللى شوفته

ده الغريب ما يحس إلا بالغريب

والحبيب مالوش طريق غير الحبيب

بالكلام ميلنى يابا قولتله ما تقولي تاني

ما على العاشق ملام

يا طير مسافر يا قلبى

عطشان وبحر الشوق عذاب مالهش آخر

من الحبايب فرحنا من الحبايب شقينا

زمن بيحضن فرحنا زمن بيقسى علينا

ده الغريب ما يحس إلا بالغريب

والحبيب مالوش طريق غير الحبيب

بالكلام ميلنى يابا قولتله ما تقولي تاني

ما على العاشق ملام

غناء: محمد رشدى - فيلم "فرقة المرح" عام 1970

والله أحلويتى يا صبية

والله أحلويتى يا صبية - محمد رشدى

ألحان: حلمى بكر

إنتى باقية يا بلادى

إنتى باقية يا بلادى - محرم فؤاد

ألحان: محمد الشيخ

يا عينى ع النصيب

يا عينى ع النصيب - سيد اسماعيل

ألحان: سيد اسماعيل

غنى معايا لمصر

غنى الخلود قبلى غنى وانا هاغنى لمصر

واحكى واقول لليالى يا ليالى غنى معايا لمصر

حتى الزمن نفسه يا مصر نورتى ليله يا مصر

ولما ندى الحياة ده مش كتير يا مصر

ده إنتى ابتسامة الزمان ده انتى مصر يا مصر

يا مصر قولى لولادك هاتوا القمر تلاقيهم

يا مصر غالى ترابك غالى كل النفوس تفديكى

وبقلبى شوفتك يا مصر وانتى لابسة الليل

وشوفت نور القمر واخد فى حضنه الليل

ويقوله دمعك ده غالى كله بكرة يهون

ويعيد لمصر الامل والبسمة للصابرين

وانا والخلود يا مصر دايماً سوا معاكى

مهما يكون يا مصر دايماً سوا معاكى

ومهما اغيب عنك بيزيد فى قلبى الحب

ده حبى يا مصر ده هو بس الحب

غناء: فايزة احمد - من تسجيلات الاذاعة المصرية عام 1972

يا عينى سلم

يا عينى سلم - امانى جادو

 ألحان: منير مراد

يا حبيبى يا قمر

يا حبيبى يا قمر - فايزة احمد

 ألحان: محمد الموجى