Loading

2011-06-04

حدوتة مصرية

حدوتة مصرية - محمد منير
ألحان: احمد منيب | توزيع: فرقة يحيى خليل


منرضاش يخاصم القمر سماه
منرضاش تدوس البشر بعضها
منرضاش يموت جوه قلبى ندا
منرضاش تهاجر الجذور أرضها
منرضاش قلبى جوايا يغنى
لأجراس تدق لصرخة ميلاد
تموت حتة منى
الأجراس بتعلن نهاية بشر من العباد
دى الحكمة قتلتنى وحيتنى وخلتنى
أغوص فى قلب السر .. قلب الكون
قبل الطوفان ما يجي خلتنى
أخاف عليكى يا مصر
وأحكيلك على المكنون
مين اللى عاقل فينا مين مجنون
مين اللى مدبوح من الألم
مين اللى ظالم فينا مين مظلوم
مين اللى ميعرفش غير كلمة نعم
مين اللى محنيلك خضار .. فلاحين غلابة
مين اللى محنيلك عمار .. عمالك الطيابة
مين اللى بيبيع الضمير ويشترى بيه الدمار
مين هو صاحب المسألة والمشكلة
والحكاية والقلم
رأيت كل شئ وتعبت على الحقيقة
قابلت فى الطريق عيون كتير بريئة
أعرف بشر .. عرفونى؟ لا معرفونيش
قبلونى وقبلتهم
بمد أيدى لك .. طب ليه متقبلنيش
لا يهمنى أسمك
لا يهمنى عنوانك
لا يهمنى لونك
ولا ميلادك .. مكانك
يهمنى الإنسان ولو مالوش عنوان
يا ناس يا ناس يا مكبوتة
هى دي الحدوتة
حدوتة مصرية

- 1982 -
روابط تحميل الأغنية بجودة عالية
4shared | MediaFire

الأغنية بصوت الفنان احمد منيب تجدونها فى صفحة "أغانى لم تصدر فى ألبومات"