أنشودة أمى - شادية
ألحان وتوزيع: د.جمال سلامة
(الغلاف خاص بالمدونة)
ضمينى دوبينى غرقينى فى الحنان
خدينى طهرينى وأغسلينى من الأحزان
يا أصل الكون يا طاهرة يا جنة الأنسان
الجنة ما تسوى حضنك ولا يسواش الزمان
أنا فى حضنك يا أمى بحس بالأمان
قوليلى وطمنينى عن رحلة الطريق
دفينى ونورينى بكلامك البرئ
يا بحر الحلم الواسع يا سفينة النجاة
لولاكى ميبقاش معنى ولا نبض للحياة
مشوارى بدايته أنتى وأنتى منتهاه
نادينى شاورى ليا أهمسيلى بالعيون
تلاقينى بين أيديكى يا نغم دافى وحنون
يا نغم من القلب طالع مع طلعة النهار
يدعيلنا بالسلامة ويهون المشوار
مهما بنكبر يا أمى لسة فى عنيكى صغار
- 1986 -
