وأنا
فيكى مغرم صبابة
أحلم
على شالك أنام
كأنى
فرد من الحمام
برموش
عنيكى تغطينى
رمشك
شطوط طب رسينى
إنتى
أنا وبكرة ليا وليكى
شعرك
خيوط قمر المسا
طب ليه
فى ليلك بتنسى
إتكلمى
ولا نادينى
صمتك
كلام بيدفينى
إنتى
أنا وبكرة ليا وليكى
أمتى
إتقابلنا وليه وفين
لحظة
قدر ولا حنين
ولا
إلتقينا من زمان
مولودة
جوايا من زمان
إنتى أنا وبكرة ليا
وليكى
فى عينيكى - محمد منير
ألحان: احمد منيب | توزيع: هانى شنودة
- 1977 -
