Loading

2012-04-16

المواويل

المواويل - كتكوت الأمير
ألحان وتوزيع: هانى شنودة

 (الغلاف خاص بالموقع

صابر يا صابر قولى يا صابر
عايش بنا وأنت مهاجر
عينى يا صابر وعدى يا صابر
مين فى العشاق زيك قادر

ايه اللى جاى قولى يا وعدى ومتخبيش
مين ابتسم قبلى وبعدها مبكيش
ايه اللى جاى يا وعدى يا مكتوب
لون الفرح ولا لون الغروب
على كيفها تدى الدنيا
وعلى كيفها متديش
طبيب الجراح داوى الناس وانا فاضل
كل المجاريح طابوا وانا فاضل
جريح وياما داويت
من عمرى ياما اديت
القلب شاب وشقيت
ودوايا فين ملقتش دوا فاضل

دور عليا الهوا والهوا دوار
عصرنى من قلبى والقلب لسة صغار
خلانى تايه غريب
والقلب منى إندار
وفتحتلوا قلبى فتحلى أحضانه
أتاريه بيلعب بى ومخبى أحزانه
حاسب الهوا ده الهوا رماد وتحته نار

صابر يا صابر قولى يا صابر
عايش بنا وأنت مهاجر
عينى يا صابر وعدى يا صابر
مين فى العشاق زيك قادر

- 1981 -

روابط تحميل الأغنية بجودة عالية