Loading

2013-07-28

قد الشمس

قد الشمس - لبلبة
ألحان: عمار الشريعى


قد الشمس الحبيبة والورد والغيطان
وقد نهر طيبة لما يفيض بالحنان
قد نجوم السما وزهور البساتين
والارض والسما والايام والسنين
بحبك يا بلادى وانتى اغلى وطن يا بلادى

مهما السنين تاخدنى الغربة بتنادينى
صوتك بيهمس فى ودنى صورتك تضحك فى عينى
مهما السنين هاتاخدك ما تهزك المحن
ورد الحياة تهدى مهما يعدى الزمن
بحبك يا بلادى وانتى اغلى وطن يا بلادى

يا بلادى مهما رحنا يا بلادى مهما جينا
انتى اللى جوة روحنا وانتى اللى فى عين عينينا
فى الغربة ياما ياما القلب ليكى يحن
مهما نسافر بنرجع ويجمعنا الوطن
بحبك يا بلادى وانتى اغلى وطن يا بلادى

بحبك زى ما انتى واكتر منى بحبك
وبحبك قد ما انتى واكبر كل ما احبك
بحبك روحى لما تغنى للوطن
وبحب قلبى لما ينبض ويا الوطن
بحبك يا بلادى وانتى اغلى وطن يا بلادى

روابط تحميل الأغنية بجودة متوسطة (خاصة بالموقع)