Loading

2012-08-25

طاب العنب

طاب العنب - على الحجار
ألحان: بليغ حمدى


طاب العنب وأستوى العناب
والحب ندانا ولا سألوا الأحباب

فى السهرة حكينا قولنا وأرتوينا
على ليل الحبايب اللى طال علينا
اللى حبيبه مجاش واللى آوانه مجاش
واللى قال غنيوته بس مكملهاش
واللى ضيع عمره قلبه على الأحباب

فى الصحبة لقينا ناس تصعب علينا
حالهم زى حالنا وأكتر من اللى فينا
اللى عذابه طال واللى بخته مال
واللى غنى جرحه فى كلام الموال
واللى قضى عمره يبكى على الأحباب

على شوقنا آدينا جينا وألتقينا
على أمل إن بكرة يبقى لينا
اللى يلاقى سعده واللى يضحك وعده
واللى حبيبه يمسح دمعة من على خده
واللى يفرح قلبه تانى بعد عذاب

 - 1977 -
 روابط تحميل الأغنية بجودة عالية
4shared | MediaFire