Loading

اغانى لم تصدر فى ألبومات



هذه الصفحة تحوى بعض الأغنيات التى كتبها الشاعر عبد الرحيم منصور ولم تصدر فى ألبومات بشكل رسمى وتم تسجيلها من جلسات عمل خاصة أو من حفلات أو من مسلسلات قديمة، فألتمسوا لنا العذر إن كانت جودة صوت بعض الملفات متوسطة.


دنشواى 1 - محمد منير
ألحان: احمد منيب (مسجلة من جلسة فنية خاصة)

مكتوب فى قلب اللوح
تلقى الوليد فى الخلاء مطروح
نوح الحمام ع الدوح
ليه الحمام مجروح
ليه الوليد مجروح
روابط تحميل الأغنية

دنشواى 2 - محمد منير
ألحان: احمد منيب (مسجلة من جلسة فنية خاصة)

بين المخاض والألم
من تانى بنتولد
بين المخاض والألم
الماضى بيتولد
والحكمة بتتولد
والغنوة بتتولد
كل اللى عدى وراح
لسة فى عنيكى بيتولد
يا دنشواى يا ناي حزين
لكنه مش نساي
ع المشنقة ولدى
ع المشنقة كبدى

روابط تحميل الأغنية
MediaFire


يا أميرة - محمد منير
(بمصاحبة إلقاء شعرى للشاعر عبد الرحيم منصور)
ألحان: عبد العظيم عويضة (من المسلسل الإذاعى اللسان المر. صدر عام 1976)

ياللى مبتسمة وحزينة
مدى أيدك سلمى
دى الرحلة هاتهون علينا
تسلميلى وتسلمى

عدى ع الأحزان معايا
ولأجل بكرة أتبسمى
رحلتنا ملهاش نهاية
أضحكى وأتكلمى

لو أطول النجم أجيبه
وأهديهولك يا أميرة
مين يا ناس يسيب حبيبه
عين فى دمعة وعين فى حيرة

روابط تحميل الأغنية
MediaFire

فين الحقيقة - محمد منير
ألحان: عبد العظيم عويضة (من المسلسل الإذاعى اللسان المر. صدر عام 1976)

هذا الملف يحوى التوزيع القديم للأغنية كما ورد فى المسلسل
وقد أعاد توزيع الأغنية الفنان محمد منير عام 1999

روابط تحميل الأغنية
MediaFire


أبويا قالى - محمد منير
ألحان: عبد العظيم عويضة (الأغنية تنشر لأول مرة وخاصة بالمدونة)

أبويا قالى متهدش أبنى
وإن كنت بانى بالحق على
أبويا قالى أعرف مكانك
 أحكم لجامك أحسن كلامك
وصوم وصلى
 
روابط تحميل الأغنية
 MediaFire


اللى جاى واللى راح - محمد منير
ألحان: محمد الشيخ

اللى جاى واللى راح
واللى باقى من الجراح
 كله بيعدى علينا يا حبيبى
زى ما يدوب المساء فى ضى الصباح
اللى جاى مالوش معاد
 جاى بكل الشوق لنا
ما انت عارف ان بكرة يا حبيبى
بكرة اجمل بكرة جى يضمنا
 
روابط تحميل الأغنية
 MediaFire


المفارق - محمد منير
ألحان: محمد الشيخ (مسجلة من جلسة فنية خاصة)

الأغنية الأصلية للفنان محمد حمام وصدرت فى ألبوم (دورى دورى)

روابط تحميل الأغنية
MediaFire


ماليش طريق يحس بيا - احمد منيب
ألحان: احمد منيب (مسجلة من جلسة فنية خاصة)

ماليش طريق يحس بيا
ولا صديق يبكى عليا
أنا الجذور بلا فروع
أنا المراكب بلا قلوع
أنا الأغانى بلا كلام
أنا البنانى بلا حمام
أنا البشر بلا بشر
أنا النغم بلا وتر
أنا الحزين بلا دموع
أنا السكن أنا الوطن
وطنى قلب الإنسانية

روابط تحميل الأغنية
MediaFire


حدوتة مصرية - احمد منيب
ألحان: احمد منيب (مسجلة من جلسة خاصة)

غنى الأغنية الفنان محمد منير فى فيلم حدوتة مصرية عام 1982


روابط تحميل الأغنية


حاضر يا زهر - المطرب غير معلوم
ألحان: هانى شنودة (صدرت غالباً فى الثمانينات)

أعاد غناء الأغنية الفنان محمد منير عام 2005 

روابط تحميل الأغنية
MediaFire


طعم البيوت - فريق مسار إجبارى
 (غناها الفريق الشبابى مسار إجبارى من رباعيات الموت والميلاد)

طعم البيوت في الشوارع
طعم الشوارع بيوت
والخطو طالع وراجع
بيتولد ويموت

بافر من تحت جلدي
وأهرب وألف وأدوب
الود أشرب بيدي
نبع الشروق والغروب

روابط تحميل الأغنية
MediaFire


ريتك معايا - فريق مسار إجبارى
 (غناها الفريق الشبابى مسار إجبارى من رباعيات الموت والميلاد)

شبكت عنيكى عيونى
وعنيكى قلق الصبايا
قولت الوداع قاموا خدونى
وفاتونى وحدى لشقايا

ريتك معايا تطوفى
وسط البشر والزحام تشوفى
حيرتى عليكى وخوفى
من دى الآلام

ومنين أجيبك يا سمرا
ياللى عيونك دوايا
حلمت ياما ببكرة
وبكرة أصبح مسايا

عنيكى شبابيك أغانى
بطل منها وأشوف
خلت زمانى حصانى
خلتنى ع السر ألوف

روابط تحميل الأغنية
MediaFire